مساء الورد جميعا ..
شخباركم ..
صار لي مده عن الافلام .. وتقاريري عنهاا
المهم امس حضرت فلم حده عجيب
كنت اسمع عنه ردود حلو .. وبعضهااا زادني فضل ..
الفلم .. اسمه شاتر ايلاند Shutter Island..
وهي قصه صراحه حدي محتاره شلون بتكلم عنهااا ..
لاني بحرق ام الفلم عليكم ..
المهم ..
هو بطوله المزيون لليوناردو دي كابريو..
ومعه ممثل احبه حيل ..مارك رافالو
المهم .. القصه لما تطلعون منه .. ماتطلع من راسكم
تفكرون بالنهايه العجيبه الغريبه ..
صج صج فلم حده عجيب ..
عموما .. كالعاده .. البوست اول محطه نتكلم فيهاا
ياجماعه انا لقيت بوستين .. نفس الشي .. بس فيهم اختلاف بسيط جدا
لكن عموما ..
البوست حلو .. مغري .. يعني يخليك تفكر بجديه حضور هالفلم ..
بس تدرون .. اممممم احسه يذكرني بالعاب البلايستيشن الرعب ..
خلاني اعيد نظرتي له بصراحه ..
علي فكرة الفلم ماهو رعب ... علي الاقل بالنسبه لي .. والبوست يبين لك ان الفلم رعب ...
عموما ... البوست حلو .. صج ماكو ابتكار فيه .. بس يظل حلو ..
التريلر .. صراحه هو سبب رغبتي بحضور هالفلم ..
بجد حلو .. وخلاني انصدم بنهايه الفلم ..
تعرفون كني اللي دخلت اشوف فلم .. طلعت شايفه فلم ثاااني .. << من جد من قوة الفلم جاني هالاحساس ..
عكس توقعاتي ..
المهم ..
التريلر مو صجي .. قوي قوي قوي
تفضلووووو
http://www.youtube.com/watch?v=HYVrHkYoY80
صدقوني بتنصدمون من النهايه مثلي ..
علي فكره .. انا كنت اتابع ردات فعل الجمهور الامريكي عن الفلم
كثير منهم قالوا دخلنا وضعنا بالفلم .. وشوي الامور غامضه .. ومن هالكلام ..
المهم مافهمت بالضبط السالفه .. قلت اكيد فيه شي ..
لما شفت الفلم فهمت شقصدهم ..
عقب لاحظت شخص كتبت باسئلة قوقل عن نهايه الفلم لانه مافهمها لووووووول
والله مالومه
لاني دخلت نقاش طويل مع اختي و اخوي عن النهايه ههههه
موسيقة الفلم حلوه .. وراكبه .. فيه رعب وفيها تشويق .. وكل لقطه .. مثلا رعب .. او حزن او لغز .. لها جوها المناسب ..
(( تدرون انا دخلت متاخر عن الفلم .. تقريبا بعشر دقايق يعني طافتني المقدمه .. ))
المهم القصه .. ولكم للجزء المهم في التقرير البسيط ..
المارشال تيدي .. وصديقه تشاك .. يستدعونه لجزيرة شاتر ..
الجزيره فيهاا .. امممم مصح او سجن للمجرمين .. يعني للي يعانون من مشاكل عقليه نفسيه .. شي من هذا القبيل ^_^
المهم .. المصح هربت منه قاتله .. خطره .. وتيدي وتشاك المفروض يحققون ويبحثون عنهاا ..
تتوالي الاحداث .. وتزيد غموض ..
تخلون بدوامه صراحه .. ماتدرون متي تنتهي ..
تيدي جاء للجزيره .. لانه يبحث عن شخص .. اسمه .امممم نسيت لووووول .. ليديز .. اسمه ليديز .. تذكرت
المهم ليديز هذا .. مولع بالحريق ..مريض نفسي .. شب حريق بالشقه اللي فيهااا زوجه تيدي .. وماتت ..
طبعااا اهو جاء .. مو لانه يبي يقتله .. او ينتقم .. بس بعد مادخل القاتل لهذا المصح .. تيدي قعد يبحث عن المصح
واكتشف عنه اشياء مثل انهم يسوون بحوث علي المرضي اللي عندهم ..
ويكتشف اشياء خطيره جدااا ..
<<< ياربي بجد مادري شلون اشرح هالفلم اللي حده معقد .. ههههههههه
المهم .. مالكم بالطويله ..
تيدي .. بالنهايه ..
ماهو الا مريض بالمستشفي او المصح هذا
: ( شي يحزن صح ويصدم بعد
لانه كان يحب وحده امممم مو صاحيه او متخلفه عقلياا ..
المهم انجب منها 3 اولاد
بعد مارد من الدوام في يوم ..
لقاهااا .. غرقت اولاده الثلاثه بالبحيره ...
و اهو اللي طلع عياله ..
يماااي يا ان شكله يحزن و هو يبكي علي عياله .. ولما شافهم .. مقالبين بالبحيره
والزوجته المجنونه .. اخر شي تقوله حررني ..
امممم شنو تتوقعون صار ...
اطلق عليهااا رصاصه .. اممممم تسمونه بالله رصاصه الرحمه .. مادري ..
المهم ان ام عيالهم وعيالهم الثلاثه مسطرين قدامهم .. موتااا
وهو بالمستشفي .. وكل اللي صار معاه .. تمثيليه من دكاترت المستشفي .. عشان يصحونه من مرضه النفسي
او تخيله انه للحين مارشال .. وزوجته ماتت بسبب شخصيه خياليه اخترعهااا اسمها ليديز ..
ولا بالنهايه النهايه .. يرجع من جديد يتخيل انه مارشال ؟؟__؟؟
الفلم حده يدوووخ ..
يبيله واحد مركز ..
المهم ..
احلا مقاطع شفتهااا
كان اول مقطع .. لما حلم .. بزوجته ...
ياناس وربي انه اجمل مقطع شفته .. و اثر فيني ..
لما دخل الشقه يكلمهااا .. وترد عليه ..
وتعلمه عن التحقيقه اللي يسويه .. وتساعده ..
و هو بس يفكر فيهاا ..
ويبدا المكان يحترق ..
وهي تقوله روح .. لازم تخليني
بس ماتركهاا .. لين تحولت رماااد
التصوير في هالمقطع بس .. خياااااااااااااااااااااااااااااااااال
والمقطع الثاني ..
لما حلم بعد ... بشخصيه ريتشيل .. المريضه اللي هربت ..
علي فكره قصه هالمريضه .. انها قتلت عيالهاا الثلاث .. طبعا مو صحيح ..
لكن تمثيليه عليه ..
المهم حلم فيهاا .. انهااا تقوله ساعدني .. وكلها دم..وقدامهااا عيالهاا الثلاث .. كلهم مغطيين بالدم ..
بالحقيقه هذول عيالها .. << مو اقولكم القصه معقده .. هههه
علي فكرة .. الاخراج كان حلووو حيل ..
والفلم فعلااا متعوب عليه ...
يستحق المشاااااهده ..
االمهم
وصلنا لنهايه الكلام عن الفلم ..
بجد انصحكم تشوفون الفلم ..
رووووعه .. بس ها .. خلوكم مركزين ياحلوين ..
وتحياتي المجنونه
وريشه طاحت في سادس ادراج لي
,^_^,
دايما متاخرة عن الأفلام ما لاحظتي ؟
ردحذفادراج موفق .. وطلي يا القااااااااااااااطعة ..
ولا تنسين .. ويعه خخخخخخخ
نسيت نفسي ابتسامه ..
ردحذفلاتلوميني لو نسيت العالم ..
بس بقلبي .. انتي ..
,^_^,
الفلم كان جميل واستمتعت بتمثيل ليو ..
ردحذفلكن النهايه ما اعجبتني .. حسيتها تقليدية
بخلاف النهاية, فلم جميل ويستحق المشاهدة
انصحك تشوفين فلم district 9 فلم جدا روعة من كل النواحي قصة مثيل اخراج وساوندتراك .. لكنه مالاقى شعبية عندنا للاسف ..
من افضل الافلام اللي شفتها كلها مو بس هالسنة
ردحذفوعلى فكرة افلام هالسنة مو صج كلها قوية
المهم
انا شفت الفلم بس بالنسبة للي ما شافه تراج حرقتي ام الفلم لوووووووول
لانه اول شي محد راح يعتقد انها ذيك زوجته !!
ثاني شي انتي قلتي انه مريض بالمستشفى ليش لووووول ما راح يدري المشاهد الا بالاخير ليش قلتيه
المهم شكرا على الاطروحه الحلوة والفلم اكثر من روعة وصراحة مو كفاية اننا نقول عنه روعة الا اتوقع انه راح يكون افضل فلم في 2010 بلا منازع
Oblivious
ردحذفاهلين
عجبني جملتج .. (Genius by nature, Slacker by choice)
عموما حياج الله ..
انا قد شفت الترايلر من قبل ..
بس للحين مانزل بالسينما الكويتيه ..
وانا ابي اشوووفه بسينما .. عشان متعة المشاهده ماتنقص ..
امممم
انتي قلت ان النهايه تقليديه ..
انا ماشوفهااا جذيه
وين تقليديه
اذا القصه بكبرهاااا
جديده من نواحي كثيره
بس بجد كان حلووو حيل الفلم ..
مشكوره لمرورج يالغلااا
^_^
blackblood
ردحذفلووووووووووووووووول
ادري .. قلت بالبدايه اني بحرقه عليكم ..
لاني عجزت اشرح القصه
ههههههه
وفعلا السنه هذي .. كل الافلام اللي نازله رووعه
جد ماتدري شنو تشوف وشنو تخلي ..
بس هذا الفلم
له طعم ثاااااني
ياخي والله جنني .. قصته حده عجييييييييبه
فكرته روووعه
امممم
بس ماظنتي بيكون افضل افلام 2010
صبرك في احسن جايك ..
تسلم للمرور
شكرا
تحية طيبة...
ردحذفسعدت بزيارة تلك المدونة الادبية الجميلة...
دمتي بود...
صراحة الفلم اسمية يجنن!!
ردحذفلكن صراحة النهاية شوي تحير لان لاحظو اخر لقطة كان الظبيب شال بيدة اداة حادة او شي ... فخلتني اشك فان ليوناردو فالأصل شخص ما مختل عقليا لكن هم اقنعوه باوهام وامور انة مجنون لحد ما صدق ...وهم مثل ما هو عرف انهم يسوون عمليات للدماغ...
لووول صراحة فلم عجيب ويحتمل اكثر من قصة ..
بس لما طلعت من الفلم قلت لاصحابي اشك فاني انا الي ضربت عندي فيوزات المخ..ههه
وثانكيوووو
الموسوعة الحرة ..
ردحذفشكرا لزيارتك اللطيفه ..
تحياتي ..
^_^
اهلين ياخيي
ردحذفغير معرووف >> ليش ماتقول اسمك ^_^
اممم تدري ان احلا شي النهايه
هي اللي كنت اتكلم عنهااا
انك فعلا تحتار .. هل صحيح هو شرطي وهم غسلو مخه ههههه
او فعلا مرض نفسيا بعد قتل ابناءه ..
صج شي يحير ..
وهذي المتعه
ان الفلم
ماتنسي مجرد خروجك من الصالة
لا تظل تفكر فيه
تدهشك هالخاتمه
^^
شكرا لحضورك وتعليقك ..
والله أنا شفت الفيلم من أسبوع علىdvd ولحد الآن الفيلم ببالي وما نسيته وعبتناقش أنا وزوجي على النهاية شو معناها:التأويل الأول هل هو مارشال وفعلا حبسوه الدكاترة مشان ما يكشف سرهم ويلي كانت هربانة مظلومة وعلق بالجزيرة2-أم هي تمثيلية وهو مريض وودوه بخدعة للجزيرة مشان يعالجوه 3-أم مصيره شافوا بالحلم وقرر يبتعد عن الجزيرة بأخر لحظةوشو معنى لما هز رفيقه براسه بأخر الفيلم أنا صراحة الفيلم ما فهمتو .بالنهاية حدا يقلي القصة المظبوطة
ردحذفعزيزتي .. هنا جمال الفلم ..بالنسبه لي
ردحذفان جرعة الغموض والنهايه المفتوح .. فيهااا شي محير ..
اعجبتني جدا ..
اممم كل تلك التاويلات والنهايات
قابله ان تكون حقيقيه
اختاري النهايه اللي تعجبج منها
^_^
السلاااااااام عليكم
ردحذفياناااس انصحكم لحد يشتري الفللم واذا لا سمح الله اشتراه انصحه لايشوفه الحاله ولله ينجن قصه تخليك انت تنجن ولله لو مافيه احد كان يتابعه معي كان شفتوني مريض نفسيا
مع تحيااات /
علــوــوـــوش
اقولكم انا الحكاية هو مارشال حقيقى وراح للجزيرة وكا لما يعلمولو عملية غسيل مخ يفشلو فيها ويبدأو من الاول.يعنى هو لا مراتو قتلت عيالو ولا هو قتلها هو لما اكتشف حقيقتهم حبسوه وقررو ازالة ذكرياتو عشان يعينو فى الجيش ضمن الجواسيس عشان لما يكشفو عليه بجهاز كشف الكذب ما يفتكرش غير اللى زرعوه فى دماغو...والدليل على كده هو تدخل الجيش فى امور المصح العقلى وهذا شىء المفروض ميحصلش لانه لا دخل للجيش فى المصحات العقلية الا لو كان لها هدف...
ردحذفلما هز صديقه راسه فى الاخر للجيش والدكتور معناه انو عملية غسيل المخ ما نفعتش معاه وتيدى قام بملء ارادته معاهم عشان يعملولو غسيل مخ تانى لانو فى اخر الفيلم واخر لقطة تم تصوير المنارة وهى المكان اللى بيعملو فيه غسيل المخ...
وصديقه نده له باسم المحقق تيدى فى اخر الفيلم مش باسم اندرو معناه انو هو تيدى المحقق.....
وشكرا
من جد احلى شي مقطع الحلم الاول مع زوجته مو طبيعي مره ، احساس رائع وتصوير خيالي ولو كان عندك مسرح منزلي راح تخشين معهم جو بقووووووووه ، راح تسمعين كل شي جنبك النار الورق ازعاج مو طبيعي بعدين كذا فجأه يوقف ، احساس جداً رائع
ردحذفمشكورين جميعا لحضوركم ولردودكم
ردحذفاعتذر لتاخري بالرد عليكم ..
الفلم جدا جميل
مازلت استمتع بذكري تلك اللقطات
منصور فعلااا لقطه جميله
من افضل اللقطات
علي فكره قريبا بنزل تقرير
عن فلم ليوناردو الجديد
انسبشن ..
,^_^,
تحياتي للجميع
+++
ردحذف,^_^,
ردحذفانا مع اللي يقولون عملية غسيل مخ
ردحذفبس تيدي الكلب ليه ما سمع كلام الممرضه وهج بعدين شلون شريكه صار طبيييب<آآه شكلي انا اللي انجنيت مب تيدي
اني ما افتهمت الفلم واني اكرة المخرج على هذا الشي ههه
ردحذفالفلم غامض وانا شفته بالسينما وبالتلفزيون
ردحذفولازلت محتاره بالنهايه
بس عجبني التصوير وتمثيل ليو المحترف
فلم ماينسى