سلسلة افلام Final Destination ..

.

 

مرحبا ..
من زمان عن الافلام ..
مع اني باليوم اشوف واحد او حتي اثنين ..
بس مو اي فلم احس ابي اكتب عنه ..
واليوم شفت الجزء الرابع من سلسة افلام فاينل دستنيشن ..
امممم
تبون الصج
الفلم من زمان نازل
مع اني تابعت كل الاجزاء
لكن وجودها عندي كان بالصدفه
انا ماسعيت لهذا الفلم .. ياما اخوي جايبه .. او حصلته عند اختي .. او حتي القي اهلي يتابعهم واتابع معاهم ..
امممم
احس القصه المكرره بكل جزء .. هي اللي ماتخليني افكر فيه ..
رغم ان اشكال الموت المختلفه والاحداث .. هي اللي غير بالفلم ..
جد هالفلم احس فن الموت بطرق مقززه وشنيعه ..جدا ماتتخيلون عقولهم المريضه
انهم يسوون فلم بنفس القصه كل جزء .. بس الموت فيه غير

انا ماراح اسوي تقرير كما العاده ..
بس فيني فضفضه .. عن الفلم .. والهدف منه او المغزي
اممم
متعه
لا الفلم مو ممتع لانه مكرر ..
احداثه تختلف .. ابتكاراتهم بطرق الموت تختلف .. احسه بيسلي الناس اللي تحب تشوف الدم والموت والتكسير .. والتعذيب ..<< جاتها حاله نفسيه ..
..
كل الاجزاء اللي فاتت .. في بالي الحين .. لقطات مختلفه من الموت باشكاله .. في راسي ..
اممممم
والحين زادوا كم مشهد مقزز .. من الجزء الرابع

تذكرت فلم .. saw  تعرفونه صح ..
شنو الاختلاف بين هالفلمين ..
رغم ان الفكره بالفلم او القصه تتكرر بشكل او اخري بكل جزء..
بس الموت هو اللي قد مايقدرون يبدعون فيه ..
صراحه ..
سو .. احلا .. لان الشر .. متجسد برجل .. يحاول بطريقتة المنحرف يصلح شي ..
بينما فاينل .. القدر .. لازم يكون ومايتغير .. لمجرد رؤيه ..

سو لغز .. وانت حله .. عشان تطلع من الفخ .. وعقب نشوف الحل ..
بينما فاينل .. حدث بيصير .. طريقة موت معينه .. بس عقب نشوف شلون بكل فضاعه تصير ..
سو امكانيه تغيير الحدث والنجاه اكبر .. لانها من صنع رجل .. عكس الاخير .. لانه اممم من صنع القدر ..

سو كل جزء مرتبط باللي قبله .. شي مسلسل ..
فاينل .. فقط جزئين اعتمدوا علي بعض .. اظنه الثالث .. اعتمد علي احداث الثاني ... ماني متاكده بصراحه ..

فعلا فعلا
فلم مرعب مقزز ..
<< للحين متاثره منه ..

يعني بجد .. فلم شنو هدفه ...
>> اغلب الافلام تحمل اهداف .. لو تم تحليلهاا نلقي النتيجه قيم ايجابيه كثيره
( اذكر دكتوري بالجامعه يقول كل يوم جمعه نجتمع علي فلم ونقعد نحلله .. ونشوف فائدته .. مادري للحين علي مانت يادكتور علي )
امممم فلم فاينل .. ماشوف غير شي واحد
المحاوله وعدم الاستسلام .. لهوس .. او لقدر ..
عدا هذا .. الفلم فقط لمشاهد الموت ..

علي فكره ..
الفلم .. بهذا الجزء .. الكل يموووت ..
مادري ليه بالنهايه ..
ماستغربت حيل ..
يعني .. في بالي .. ان الموت نهاية كل حياة .. بشكل او باخري ..
يمكن هذي النهايه هي اللي بيوصلونهاا لنا ..
ان مهما هربنا منه ..

بيجينا ..

it is coming

….

 

تحياتي المجنونه

وريشه طاحت

في سابع ادراج لي ..

Shutter Island والمزيون ليوناردو ^_^

مساء الورد جميعا ..

شخباركم ..

صار لي مده عن الافلام .. وتقاريري عنهاا
المهم امس حضرت فلم حده عجيب
كنت اسمع عنه ردود حلو .. وبعضهااا زادني فضل ..
الفلم .. اسمه شاتر ايلاند  Shutter Island..
وهي قصه صراحه حدي محتاره شلون بتكلم عنهااا ..
لاني بحرق ام الفلم عليكم ..
المهم ..
هو بطوله المزيون لليوناردو دي كابريو..
ومعه ممثل احبه حيل ..مارك رافالو

المهم .. القصه لما تطلعون منه .. ماتطلع من راسكم
تفكرون بالنهايه العجيبه الغريبه ..
صج صج فلم حده عجيب ..

عموما .. كالعاده  .. البوست اول محطه نتكلم فيهاا
ياجماعه انا لقيت بوستين .. نفس الشي .. بس فيهم اختلاف بسيط جدا
لكن عموما ..
البوست حلو .. مغري  .. يعني يخليك تفكر بجديه حضور هالفلم ..
بس تدرون .. اممممم احسه يذكرني بالعاب البلايستيشن الرعب ..
خلاني اعيد نظرتي له بصراحه ..
علي فكرة الفلم ماهو رعب ... علي الاقل بالنسبه لي .. والبوست يبين لك ان الفلم رعب ...
عموما ... البوست حلو .. صج ماكو ابتكار فيه .. بس يظل حلو ..

التريلر .. صراحه هو سبب رغبتي بحضور هالفلم ..
بجد حلو .. وخلاني انصدم بنهايه الفلم ..
تعرفون كني اللي دخلت اشوف فلم .. طلعت شايفه فلم ثاااني .. << من جد من قوة الفلم جاني هالاحساس ..
عكس توقعاتي ..
المهم ..
التريلر مو صجي .. قوي قوي قوي

تفضلووووو

http://www.youtube.com/watch?v=HYVrHkYoY80

صدقوني بتنصدمون من النهايه مثلي ..
علي فكره .. انا كنت اتابع ردات فعل الجمهور الامريكي عن الفلم
كثير منهم قالوا دخلنا وضعنا بالفلم .. وشوي الامور غامضه .. ومن هالكلام ..
المهم مافهمت بالضبط السالفه .. قلت اكيد فيه شي ..
لما شفت الفلم فهمت شقصدهم ..
عقب لاحظت شخص كتبت باسئلة قوقل عن نهايه الفلم لانه مافهمها لووووووول
والله مالومه
لاني دخلت نقاش طويل مع اختي و اخوي عن النهايه ههههه

موسيقة الفلم حلوه .. وراكبه .. فيه رعب وفيها تشويق .. وكل لقطه .. مثلا رعب .. او حزن او لغز .. لها جوها المناسب ..

(( تدرون انا دخلت متاخر عن الفلم .. تقريبا بعشر دقايق يعني طافتني المقدمه .. ))

المهم القصه .. ولكم للجزء المهم في التقرير البسيط ..

المارشال تيدي .. وصديقه تشاك .. يستدعونه لجزيرة شاتر ..
الجزيره فيهاا .. امممم مصح او سجن للمجرمين .. يعني للي يعانون من مشاكل عقليه نفسيه .. شي من هذا القبيل ^_^
المهم .. المصح هربت منه قاتله .. خطره .. وتيدي وتشاك المفروض يحققون ويبحثون عنهاا ..
تتوالي الاحداث .. وتزيد غموض ..
تخلون بدوامه صراحه .. ماتدرون متي تنتهي ..
تيدي جاء للجزيره .. لانه يبحث عن شخص .. اسمه .امممم نسيت لووووول .. ليديز .. اسمه ليديز .. تذكرت
المهم ليديز هذا .. مولع بالحريق ..مريض نفسي .. شب حريق بالشقه اللي فيهااا زوجه تيدي .. وماتت ..
طبعااا اهو جاء .. مو لانه يبي يقتله .. او ينتقم .. بس بعد مادخل القاتل لهذا المصح .. تيدي قعد يبحث عن المصح
واكتشف عنه اشياء مثل انهم يسوون بحوث علي المرضي اللي عندهم ..
ويكتشف اشياء خطيره جدااا ..

<<< ياربي بجد مادري شلون اشرح هالفلم اللي حده معقد .. ههههههههه

المهم .. مالكم بالطويله ..
تيدي .. بالنهايه ..
ماهو الا مريض بالمستشفي او المصح هذا

: ( شي يحزن صح ويصدم بعد

لانه كان يحب وحده امممم مو صاحيه او متخلفه عقلياا ..
المهم انجب منها 3 اولاد
بعد مارد من الدوام في يوم ..
لقاهااا .. غرقت اولاده الثلاثه بالبحيره ...
و اهو اللي طلع عياله ..
يماااي يا ان شكله يحزن و هو يبكي علي عياله .. ولما شافهم .. مقالبين بالبحيره
والزوجته المجنونه .. اخر شي تقوله حررني ..
امممم شنو تتوقعون صار ...
اطلق عليهااا رصاصه .. اممممم تسمونه بالله رصاصه الرحمه .. مادري ..
المهم ان ام عيالهم وعيالهم الثلاثه مسطرين قدامهم .. موتااا

وهو بالمستشفي .. وكل اللي صار معاه .. تمثيليه من دكاترت المستشفي .. عشان يصحونه من مرضه النفسي
او تخيله انه للحين مارشال .. وزوجته ماتت بسبب شخصيه خياليه اخترعهااا اسمها ليديز ..

ولا بالنهايه النهايه .. يرجع من جديد يتخيل انه مارشال  ؟؟__؟؟

الفلم حده يدوووخ ..
يبيله واحد مركز ..

المهم ..

احلا مقاطع شفتهااا
كان اول مقطع .. لما حلم .. بزوجته ...
ياناس وربي انه اجمل مقطع شفته .. و اثر فيني ..
لما دخل الشقه يكلمهااا .. وترد عليه ..
وتعلمه عن التحقيقه اللي يسويه .. وتساعده ..
و هو بس يفكر فيهاا ..
ويبدا المكان يحترق ..
وهي تقوله روح .. لازم تخليني
بس ماتركهاا .. لين تحولت رماااد
التصوير في هالمقطع بس .. خياااااااااااااااااااااااااااااااااال

والمقطع الثاني ..
لما حلم بعد ... بشخصيه ريتشيل .. المريضه اللي هربت ..
علي فكره قصه هالمريضه .. انها قتلت عيالهاا الثلاث .. طبعا مو صحيح ..
لكن تمثيليه عليه ..
المهم حلم فيهاا .. انهااا تقوله ساعدني .. وكلها دم..وقدامهااا عيالهاا الثلاث .. كلهم مغطيين بالدم ..
بالحقيقه هذول عيالها .. << مو اقولكم القصه معقده .. هههه

علي فكرة .. الاخراج كان حلووو حيل ..
والفلم فعلااا متعوب عليه ...
يستحق المشاااااهده ..

االمهم
وصلنا لنهايه الكلام عن الفلم ..
بجد انصحكم تشوفون الفلم ..
رووووعه .. بس ها .. خلوكم مركزين ياحلوين ..

وتحياتي المجنونه

وريشه طاحت في سادس ادراج لي

,^_^,

تهنئه + تقريري عن فلم from paris with love

.

مرحبااااااااااا ..

بأجوا الاحتفالات بالاعياد الوطنيه بالكويت ..

بغمرة الفرحه هذي .. احب اهني الشعب الكويتي بالعيد الوطني وعيد التحرير ..
عسي تعود علينا كل سنه بخير وسعاده ..
والله يكفيج كل شر ياكويت ..

وعلي راسي عيال الخليج .. لمشاركتهم الفرحه معااانا
ماقصرتوا
عساكم ذخرا لنااا ..

 

....

بتاريخ 24 فبراير .. حضرت فلم حبيت انزل لكم فيه تقرير
وهو فلم
from paris with love

تبون الصراحه
قليل عليه كلمة رااااااااااااااااااااااااااائع
رغم تحفظي علي التقطيعات اللي صارت<<< الفلم مقطع كثير .. فخرب علينا الاكشن ..
بس صراحه جون تروفالتا كان مبدع
رجع مثل قبل ...
شخصيته كانت عجييييبه
كان يمثل دور واكس .. عمل بعميل سري او جاسوس يقوم بهام لدائره سريه امريكيه
طبعا محد يعرف هالدائره او بالاحري ماحددوا لنا شي عنهااا ..
الشي الوحيد اللي عرفته .. هو المكالمات اللي تصير بين اللي بالدائره السريه وبين ريس ...
ريس هو بطل القصه مع واكس
ريس يحلم يكون عميل سري .. قوي .. ويعمل بالخفااء .. ويتمني يكون عميل رسمي ..
لكن قبلها لازم يقوم بعدة عمليات عشان يترقي << اعذروني شرحي غير وافي لان الفلم ماكان فيه تفصيل بالموضوع ..
عموما ريس يعمل سكرتير خاص للسفير الامريكي في فرنساا .. ويعمل بالخفاااء بمهمات مختلفه ويشق طريقه عشان يكون عميل سري
و اخر مهمه له حتي يكون عميل رسمي .. كان لازم يكون شريك لــ واكس

الفلم مايخلو من قفشات مضحكه
جون صراحه مبدعه .. بين قوته .. وخفة دمه
..
طبعاا كالعاده بتكلم بتفصيل اكبر ..

البووووست

جميل .. بسيط .. تاخذ منه فكرتين
انه متعلق بفرنسا<< العنوان اجل شنو ياخذ منه ؟؟__؟؟ لووووووووول
وفيه اكشن .. من المسدس ..
نوعا ما فيه جانب مبدع ..
لكنه اعجبني .. ماشدني .. لكن اعجبني ..

الحين التريلر ..
اللي خلاني ابي اشوف الفلم
كان التريلر
جدااا روعه
وماحرق القصه عليناااا ..
يعني بعد ماشفت الفلم
لقيت ان التريلر ما بين هالاحداث
بس نظره سريع
وفيه جذب من خلال الاكشن اللي صاااار ..
وطبعاااا حطوا القطات المضحكه اللي صااارت

اللي يبي يشووفه
يتفضل للرابط
http://www.youtube.com/watch?v=1sLG0owba0E

الموسيقي بالفلم .. اممممم
ماحسيت انها جديده
يعني مثل كل فلم اكشن .. له موسيقي راكبه عليه ..

المهم .. ودي اتكلم عن الاخراج للفلم
اللي فعلااااا كااااااااان رووووووووعه
اعجبني التصوير الدقيق .. اعجبتني الاصوااات
يعني خلال اول مشهد اكشن .. كنت احس ان الكراسي كلهااا تهتز من قوه وحقيقه الصوووت
اذكر حتي طلقات المسدس ( مسز جونز << واكس يسمي سلاحه جذيه لوووووول )
المهم صوت الطلقات من سلاحه جدا قوي ..
كنت اتمني تطول تلك المشاهد .. لانها فعلاا ترفع الادريالين عند المشاهد المندمج  ^_^

والان
القصه .. بشكل مفصل اكثر من المقدمه ..
الفلم بجد كان مميز
كالعاده اكره التقليديه في الافلام
ولما نقول عميل سري ومهمات .. تحس الموضوع عادي او بالاحري مكرر ^^!
وهو فعلا مكرر .. لانهم كانوا يطاردون تجار مخدرات .. او مع الاحداث نكتشف انهم يطاردون ارهابيين ..
اللي بيفجرون مكان بيكون فيه قمة لاشخاص مهمين من دول كبيره .. وبيصير هالشي بفرنساا .. يعني تحس قصة فلم مكرره ..

لكن الجدييييييد ياشباب ^_^
اولا طريقة الاحداث
تختلف كثير
يعني حتي ريس .. ماكان يعرف الاحداث
تحسه مثل الاطرش بالزفه ^^!
وحنا معاه ترا
واكس يعرف المهمه ..
وتنبهر بذكائه .. خصوصا في لقطته بالمطعم الصيني .. جدا ذكي ..

وفوق هذا .. ننصدم مثل ريس و واكس .. بان الموضوع اكبر بكثير .. لما نلقي ريس متورط بطريقه غريبه
لما شاف صوره.. وهو مراقب من نفس الاشخاص اللي يطاردهم ..
وكأن الوضع انقلب
؟؟__؟؟ اهني انا فعلاا كنت بحيره مافهمت شي
مع الاحداث
نكتشف ان خطيبة ريس .. عميله سريه لمنظمه ارهابيه لها اهداف غير معروووفه وما اعلنو عنهاااا ..
يعني لو تشوفون الفلم ماراح تفهمون شنو الهدف من هالعمل الارهابي او التفجير .. << هذي نقطه جديده .. وانا عن نفسي اعتبرها سلبيه .. عن نركض ورا مجرمين ولا نعرف هدفهم او ليش يقمون بهالعمليات ..

المهم.. ريس.. يتمني يكون عميل .. لكن يكتشف انه بالنهايه .. غير قادر .. او مو هذا اللي يبيه
ومتي بالضبط يكتشف
لما يقتل اول رجل
<< اهني صراحه .. حركه مكرره .. لما يذبح رجال .. ويدخل بصدمه ..
بس كان دمجها مع الاحداث حيل حلو .. يعني اممممم قدروا يرقعون لنفسهم هالتكرار ..

المهم ..
خل اجي للنهايه ..
لما يجي وجه لوجه مع خطيبته .. بعد ما لبست متفجرات .. وراحت للقمه ..

تخيلوا الموقف .. يقولهااا احبج .. فكري بهالشي .. العالم كله مو مهم بهاللحظه
وتحسون فيهاا بعد تحبه ومتردده .. بس عندها هدف ( الهدف الغير معلن ) :(

تدرون شنو صار

: (

اطلق طلقه وحده
براسها

ياااااي الحين وانا احكي لكم احس قشعريره بجسمي ..
اخر شي توقعته
انه يذبحهاااا

وانه ابعد نهايه متوقعه
ونجحوا في ابهارنا ودمجنا بالخاتمه ..

برااافوا والله ..

امممم الحين بقول لكم كم مقطع اعجبني ..

من المقاطع الحلوه ..
لما ريس حاول يزرع جهاز تجسس في كتب الوزير او السفير << سوري نسيت ^^!
المهم .. اخذ علكه .. ولزقها بالجهاز .. ووضعها تحت الطاوله
بس مالزقت
لووووووووووول
وحاول مره بعد مره
حرام شكله واهو متوتر وخايف
صج مو شغلته التجسس كلششششش

المقطع الثاني .. حيل اعجبني ..
لما واكس وريس في بيته مع خطيبته وصديقه لهم ..
واكس كشف لريس حقيقتهااا ...
ماراح احرق عليكم هالجزء .. وشلون اكتشف ..

المقطع الاخير اللي بذكره ..
لما دخلوا ريس مع واكس .. لمبني لتجار مخدرات .. وايضا هم من المنظمه الارهابيه ..
كل الاحداث اللي صارت داخل هالمبني حيل حلووووه ..

,^_^,

اتمني يفيدكم تقريري
الفلم جدا رااائع
مختلف وتقليدي بنفس الوقت
لكن للامانه الممثلين كانوا رووعه
جون عاد من جديد
القصه فيها لمسات تجديد .. وجوانب مشووقه ومبهره ..

تحياتي المجنونه ..

وريشه طاحت في خامس ادراج هنا

شكرا

 

وحشتيني .. ( وكر العصفور )

السلام عليكم ..

قبل فترة اسمعني اخي اغنيه غريبة .. راب عربي ^^!

صراحة لم اتوقعها نهائيا .. لاني سمعت اشياء سيئة عن ( الرابرز ) العرب ..

لكن هذه الاغنيه لــ ( وكر العصفور ) .. اسمه غريب اليس كذلك ..

(( مادري هالشباب شنو يفكرون فيه صراحه ))

لكن بحق تستحق ان نستمع لها ...

كتبت عنها قبل فتره .. وأحببت ان اضع لكم بعض كلماتها الجميلة ..

...

انا راجع اليوم كلي ندم
واصل للتو من رحله ندم
علي بابك انا واقف بامالي
والامي توصف احوالي
ارجعي يا اغلي من الغالي
ياعشقي النابض والدامي
ياحبي يادم شراييني
وحشتيني

.....

لله درك ياوكر العصفور

رغم انك تثور امام عاداتنا وتقاليدنا

برغم انتفاضتك للشباب رافض العيش تحت مظله ابائهم وأجدادهم

لكنك ابدعت

ثم ابدعت

.....

من بعدك عالمي اصبح كئيب
لا نور ولا لون في حياتي .. غريب
في سمائي انتحرت كل النجوم
خسوف وكسوف وامطار من هموم

.....

احساس راقي حملتها كلمات بلحن شائك وغريب الطعم

لكنه استطاع ايصال جمال فكرته و ذاك الشعور براعة فائقة

تحسب له

لم اكن من معجبة ولا محبي هذا النوع من الموسيقي (( الراب ))

لكني استمتعت بجمال ما اوصلني اليه برائعته

.....

شكرا لك ,^_^,

تحياتي المجنونه .. وريشه سقطة في رابع ادراج لي

 

ما لون بالبرتقالي .. هي كلمات الاغنيه

تقريري المتواضع عن avatar

.

السلام عليكم ..
شلونكم .. وشخبار الجنون وياكم ..
اليوم حبيت انزل ادراج عن فلم avatar
ومن مايعرف..
واللي صج مايعرفه يتابع وياي ..

قبل امس طلعت مع اخوي نبي نروح لمول360
عشان نحضر الفلم بالــ ثري دي
طبعا مالقينا حجز .. رغم ان الفلم معروض من اكثر من اسبوعين او حتي اكثر مادري ما اذكر ..
لكن ماعليه حجزنا حق ثاني يوم ..
طبعا ماكان ودي اخرب علي نفسي الفلم واحرقه ..
فماطلعت شي من النت .. بس علي كلام بعض الناس اللي تمدحه ..
المهم .. وجا يومنا الموعوده مع سنسكيب 360
وااااااااااااااااااو

طبعا الحين راح ادخل بالتفاصيل ..
اولا ابي اتكلم عن البوست ..

احسه ظلم هالفلم بشكل كبير .. يعني امممم انا مو قلت لكم صاره اكثر من اسبوعين معروض
وانا مافكرت اروح له .. لان البوست ماله كان بكل بساطه ملل ملل ملل ^^! 

يعني انا اعتبر نفسي مواكبه لجميع مايعرض من افلام...مو علي السينمات الكويتيه .. لا علي العالميه طبعاا..
بس الفلم هذا مادريت عنه .. او ماوصلني حجم الشغل اللي فيه ..
وعلي فكره بعض الناس وانا منهم ننجذب لفلم من الممثلين .. اما الفلم هذا ماعرفت من فيه ..
لاحظو فوق ترا كله من البوست اللي احبطني .. يعني حتي  trailer  ماشفته ..
شرايكم اروح اشوفه واعطيكم خبر

هذا الرابط للي يبي يشوفه
http://www.youtube.com/watch?v=d1_JBMrrYw8&feature=related

برب

باااااك
صراحه .. حتي trailer مو ذاك الزود
يعني حق فلم روعه كان هذا شي عادي جداا.. حتي الموسيقي اعتبرهااا اقل من عاديه ..
ماجذبني .. حيل .. خصوصا ان الفلم بمستوي يخاطب العالم كله لاقوته بالقصه والمشاعر اللي فيه ..
وبمكانهم عمل الافضل ..
يعني حرام البوست والتريلر ظلموا الفلم ..
علي فكره وانا اشوفه ذكرني بــ killzone
لووووول

المهم خلصنا من هالنقطه ..

نجي للفلم .. انا شفته بالثري دي .. فلي ميزة متابعه مشوووقه ومختلفه ^_^
لكن خل نبدا بالموسيقي ..
وانا اشوف الفلم مر ببالي اجمل واروع ( موسيقات افلام ) << ماعليش رقعوا لي بدليات
المهم طلع معاي
فلمين
اولهم .. braveheart
اااااخ بس من مايعرفه .. << لاتطلعين عن فلمنا الاصلي ..
والثاني كان .. lord of the rings

الفلميين هذول املكوا ارووع مؤلفات موسيقيه للفلم ..
بالعالم .. احصدوا جوائز عليهااا ..
وصراحه .. برايي حتي افاتار مايقل عن الروعه
وارتبه بينهم بالمرتبه الثالثه ..

نجي للحين لشي مهم جدا ..
لا مو القصه .. لاحقين عليهاا..
ابي اتكلم الحين عن شي ثاني .. اللي هو الجرافيكس ..
مابي اطول فيها << يعني مابي اتفلسف عليكم لوووول
بس صراحه .. الفلم من 2005 اظن لين 2010 ..<< العلومه مو متاكده منها ياخواني

لكن طلع باروع مايمكن ..
كان المفروض يسونه قبل .. بس اخروا شوي لان شافوا التكنلوجي والتقنيات والقدرات للي يملكونها ما راح توصل الفلم للمستوي هذا
وفعلا كل تاخيره وفيهاا خير..
وطلع التصميم .. والرسمات من اروع اروع مايمكن ..
فعلا تطلع من الفلم .. تحس انك بتلقي مثل هالمخلوقات ..
شي صراحه اهنيهم عليييه ..
غير الافلام اللي تعملت علي نفس المنوال ..

الحين القصه ياشباب .. شوي شوي لاتتصادمون
القصه كانت عكس كل قصصهم
لما ذكروا لي انهم مخلوقات .. قلت بس اكيد غزونا وحنا يالبشر مظلومين وهم يبون يدمرونا ويخذون طاقات الارض ومن هالبطيخ لووول

بس

guess what

نووووو العكس صحيح .. البشر طمعوا بارضهم .. واتخذوا اسوء السبل لاسلب ارضهم .. طبعا اسوء طريقه هي
انهم يرسلون جايك سولي ويتجسس عليهم وفعلا هذا اللي حصل
لكن انعكس الموقف لما جايك والدكتوره غرايس يوقفون مع هذا المخلوقاااات ومعاهم شباب طيبه وقدعه واخر حلااوه ^_^

غيران بالاخير هاجموهم .. واحرقوا شجرة المسكن .. تقريبا اقول عنها بيتهم او قريتهم .. ولاننسي قصه الحب اللي جمعة جايكسولي اللي غيرته .. واخر الفلم كان شي ثاني لما قرر يترك جسده ويعيش بالجسد الغريب .. هذي نهاية رغم انها متوقعه .. لكن ماتوقعت تكون بهذا الشكل .. توقعت يظل جسده بمكان ما ويرجع له اذا يبي ..

يعني كقصه شي جديد وحلووو ومقنع صراااحه ..
وايه رغم ان فيه اشياء كلاسيكي بالفلم .. يحب البنت اللي مخيره لولد عمها ومادري شنو .. لكن للامانه كان شي مميز عن الكل

و بالنسبه لي الفلم لو كامل بس ماعطاني بوش مشاعر غريبه وخلاني اقضي الليل افكر فيه .. معناتها ان الفلم فاشل ..
لكن افاتار خلني ما اصدق اني شفت فلم بمثل هالقوه .. شي عجيب صرااااحه ...

الحين بقولكم اجمل المقاطع اللي شفتها بالفلم ..

المقطع الاول كان ..
لما جايك نقل عقل او روحه للجسد الثاني .. ولان جايك كان انسان مقعد .. فكانت فرحته غير شكل .. ويااي لما بدا يركض فرحان
كان شي عجيب ..
وحتي لما رد لجسمه العادي .. وناظر لرجلينه .. نظره خاطر مكسور .. صراااحه بدع بدع بدع فيهااااا ..

المقطع الثاااني كاان ..
لما واجه القبيله وكان بيعلمهم عن كل شي .. بس فصلوا عليه الاجهزه ورجع لجسمه الحقيقي .. هذا موقف كان بثواني .. بس شي عجيب
حتي هو لما عرف ان ماعنده الا كم ثانيه وديه يتكلم بس ماعرف شيقول ... عجيييب

واخر مقطع كان ..
لما جا مع اتروك اظن اسمه جذيه  .. الطير البرتقالي الكبير .. اللي يقدسونه .. وشلون الكل انبهر منه .. و غصب عليهم تقبلوه
بعد ما اعتبروه خائن وانبذوه ..

وصراحه لو بحط مقاطع كان حطيت الفلم كله ..
لانه كان فعلا روعه ويستحق المشاااهده ..

انصحكم فيه ..
واعذروني لبساطة تقريري اعلااه ... لكن الفلم مازال تاثيره يطن في اذني .. واظل انسانه اعشق الماده المخاطبه لروحي وعقلي .. دون الاستهتار فيني وبذكائي ..

=^_^ =

تحياتي المجنونه ..

وريشه طاحت في ثاالث ادراج هنا

شكرا

قهوتي صباحي اليوم // بارده

.

 

قهوتي بارده
وقهوته اللي صبيتها له
صارت بعد باارده

وبردت بعدهاا ڪل السنين
ڪم شهر وڪم سنه وڪم نطرت
ولا جاني ذاڪ الهنا

انا مابغيت غير اغفي مثل طفل يتمه العمر من حنان ابوه
انا مابڪيت إلا لاني اعشقه من هنا لاخر مدارات الفلڪ
وانا ماحلفت اني اعيش اذڪره إلا لاني تاڪدت اني مقدر انسي صورته

وانا

 
وانا

وانا بدونه ياعساني انعدم

مثل قهوتي اللي عدمها مرها وعي يذوُب ذراتها السڪر 
حلف ماتحلي وڪيف تحلي وهو ماوفا بوعده
ڪيف وهو ما يبغي يجي ويڪمل اللوحه

ღღ انا وهو نسولف علي قهوه ضحي ღღ

آآهـ ياحلم بعد عني بعد السنين اللي مضت

وآهـ ياوله قلباَ حلف يموت نبضه اذا رحل

وفعلا رحل..

فعلا ماوفا بوعده لنا..

وبقيت انا وحدي هنا

ڪل يوم اصب القهوه مره

واصب له معي فنجان للصدفه

يمڪن يمر

يمڪن يسلم ويشربه معي

يمڪن يعرف

ان الفراق غلط عمر

 

بقلمي المتواضع ..

مع العلم ان تم نشرها بوقت سابق .. 

 

اعلان حضور ,^_^,

.

 

السلام عليكم ورحمة الله وبركاته ..

كيف الجنون معاكم .. عندي انا معدله جدا مرتفع ..

لدرجه اني فعلا صدقت اني لي ريش وجناح ..

,^_^,

قمة الجنون ان تصدق ان في شي اسمه عقل .

الدنيا كلها مجنونه .. مين يعني فينا العاقل ..

مافي عقل باي مجال عربي عندنا << هوب هوب  لاتدخلي في السياسه ..

لا ماتخافوا انا من تحت لا تحت .. ماحد بيحس لوووووول

طيب خلاص نبدا من جديد .. بعرفكم علي

انا طير .. من الكويت ..

بنت او رجل

مو مهم ..

لوووول لا لا عاد مهم .. انا اختكم طير ..

لاحد باجر يجي ويكتب شكرا اخوي << ترا ذباحه ^_^

امممم

خلاص ماعندي شي اقوله .. اعلنت عن حضوري المجنون .. وكفي

تحياتي المجنونه .. وريشه طاحت في اول ادراج هنا

شكرا

.